Tre persona kanë mbetur të plagosur, si pasojë e një aksidenti automobilistik. Mësohet se ngjarja ka ndodhur në autostradën Vlorë-Levan pranë fshatit Panaja.
Një automjet është përplasur me trafik-ndarësen dhe për pasojë janë plagosur 3 personat që po udhëtonin brenda tij. Të plagosurit janë dërguar për në spitalin e Vlorës, ndërkohë që nuk dihet gjendja e tyre shëndetësore.
Ndërkohë Policia dhe grupi hetimor ndodhen në vendin e ngjarjes për të zbardhur shkaqet e aksidentit. Paraprakisht dyshohet se shkak për këtë aksident të jetë bërë shpejtësia me të cili udhëtonte mjeti.
