Shkencëtarët në Gjermani kanë orgaizuar tre koncerte pop në një ditë të vetme për të hetuar rreziqet që paraqesin ngjarjet masive gjatë pandemisë.
Mbi 1.500 vullnetarë të shëndetshëm të moshës midis 18 dhe 50 vjeç – vetëm një e treta e numrit të pritshëm – morën pjesë.
Por kreu i studimit, i cili u krye në Leipzig nga Universiteti Halle, tha se ai ishte “shumë i kënaqur” me mënyrën se si përvijoi eksperimenti.
Kantautori Tim Bendzko pranoi të performojë në të tre koncertet e njëpasnjëshme.
Studimi ndodhi teksa Gjermania regjistroi numrin më të lartë të infeksioneve Covid-19 që nga fundi i prillit.
Më shumë se 2,000 raste janë regjistruar në 24 orët e fundit, duke e çuar numrin e përgjithshëm të rasteve me COVID-19 në 232.082, raportoi Instituti Robert Koch.
Studimi i koncertit, i quajtur Restart-19, u krijua “për të hetuar kushtet në të cilat ngjarje të tilla mund të kryhen pavarësisht pandemisë”, thanë studiuesit.
I pari nga tre koncertet e së shtunës kite për qëllim të simulonte një ngjarje para pandemisë, pa asnjë masë sigurie në vend. I dyti kishte marrë masat për një higjienë më të madhe dhe një distancim shoqëror, ndërsa koncerti i tretë bartte gjysmën e personave të koncerteve paraardhëse dhe secili person ishte i detyruar të qëndronte 1,5 m larg personave të tjerë.
Të gjithë pjesëmarrësit u testuan për Covid-19 para se të merrnin pjesë, dhe iu dhanë maska mbrojtëse dhe pajisje për të matur distancën mes tyre. Studiuesit thuhet se përdorën gjithashtu dezinfektues fluoreshente për të gjetur se cilat sipërfaqe anëtarët e audiencës prekën më shumë.
“Grumbullimi i të dhënave po shkon shumë mirë, kështu që ne kemi të dhëna me cilësi të mirë, gjendja shpirtërore është e shkëlqyeshme dhe ne jemi jashtëzakonisht të kënaqur me disiplinën në vendosjen e maskave dhe përdorimin e dezinfektantëve,” tha studiuesi kryesor Dr Stefan Moritz.
Këngëtari Tim Bendzko, ndërkohë, tha se ngjarja kishte tejkaluar pritshmëritë e tij.
“Ne e shijuam vërtet. Në fillim mendova se do të ishte shumë sterile për shkak të maskave, por ndjehej çuditërisht mirë,” tha ai.
“Shpresoj se këto rezultate do të na ndihmojnë të mbajmë përsëri koncerte të vërteta përpara një publiku së shpejti.”
Rezultatet fillestare të studimit priten në vjeshtë.
Fatura e projektit është 990,000 euro (892,000 paund ose 1.17 milion dollarë) të financuara nga shtetet e Saksonisë-Anhalt dhe Saksonisë me qëllim që të ndihmojë hapjen e rrugës për rifillimin e ngjarjeve kryesore sportive dhe muzikore brenda vendit, duke konstatuar nivele reale të rrezikut.
“Pandemia e COVID-19 po paralizon industrinë e ngjarjeve me grumbullime njerëzish,” tha Ministri i Ekonomisë dhe Shkencës i Saksonia-Anhalt, Prof Armin Ëillingmann, para ngjarjes.
“Për sa kohë që ekziston rreziku i infeksionit, koncertet kryesore, panairet tregtare dhe ngjarjet sportive nuk mund të ndodhin. Kjo është arsyeja pse është kaq e rëndësishme të zbulohet se cilat kushte teknike dhe organizative mund të minimizojnë në mënyrë efektive rreziqet.”
