Policia e Shtetit në Luiziana SHBA po heton për vrasjen nga agjentët e saj të një 31-vjeçar afrikano-amerikan të armatosur me thikë para një dyqani në Lafayette.
Ngjarja ka ndodhur mbrëmjen e së premtes dhe sipas tyre ka pasur një tentativë grabitje nga ana e 31-vjecarit. Policia është lajmëruar nga pronarët e një dyqani, të cilët u përpoqën që të arrestonin të riun.
Trayford Pellerin arriti të shpëtonte, dhe agjentët e policisë të cilët nuk arritën ta ndalonin, kanë qëlluar drejt tij duke e lënë të vdekur shkruan CNN.
Sipas një dëshmitari, i cili filmoi me celular skenën e vrasjes, agjentët që u përpoqën të ndalonin Pellerin ishin gjashtë dhe i qëlluan të paktën 11 të shtëna ndaj tij.
Rickasha Montgomery tha për USA Today se 31-vjeçari mbante një thikë në dorë dhe duke iu arratisur policisë është qëlluar nga këta të fundit.
