Policia e Korçës ka arrestuar një 40-vjeçar, i cili ka marrë peng në dyqanin e tij një 52-vjeçar për 30 minuta.
Në pranga ka rënë shtetasi Klodian Fuatllari, pasi kishte marrë peng bashkëqytetarin e tij K. K., me prentedimin se i kishte një sasi lekësh, të cilën ende nuk ia kishte shlyer.
Njoftimi i policisë:
Specialistët për Hetimin e Krimeve në Komisariatin e Policisë Korçë, bënë arrestimin në flagrancë të shtetasit:
• K. F., 40 vjeç, banues në Korçë.
Arrestimi i tij u bë pasi dyshohet se me vetëgjyqësi, ky shtetas ka mbajtur peng në dyqanin e tij shtetasin K. K., 52 vjeç, duke i hequr lirinë për rreth 30 minuta, me pretendimin se ky i fundit i kishte borxh autorit K. F., një sasi lekësh të cilën ende nuk ia kishte shlyer.
Materialet i kaluan Prokurorisë pranë Gjykatës së Shkallës së Parë Korçë për veprat penale “Vetëgjyqësia” dhe “Heqja e paligjshme e lirisë”. /BW
