Ish truproja e Sali Berishes, ish kreu i Forcave të Ndërhyrjes së Shpejtë (FNSH) dhe njeheresh shefi i sektorit te Sigurise ne PD, Osman Levanaku, është ndaluar nga policia në doganën e Qafë Thanës, teksa ai po i drejtohej Maqedonisë për të kaluar natën e ndërrimit të viteve.
Levanaku po i drejtohej Strugës, por punonjësi i doganës i ka thënë se nuk mund të ikë pasi ai është person në kërkim.
Shkak i ndalimit të ish shefit të FNSH-së është pjesëmarrja e tij në protestën e disa ditëve më parë që zhvilloi opozita kundër zgjedhjes së prokurores së përkohshme të përgjithshme Arta Marku.
Ndalimi vjen për shkak se policia e ka kallëzuar Levanakun për kundërshtim të uniformave blu gjatë ditës së protestës në ambientet përballë parlamentit.
Në fjalën e tij pas pak ndalimit, Levanaku është shprehur se ai ka qenë gjatë gjithë kësaj periudhe në Tiranë dhe nuk është lajmëruar asnjëherë nga policia se mbi të rëndon një akuzë penale.
Ai ka nenvizuar faktin se akuza ndaj tij eshte politike./tema
