Një burrë nga San Antonio u infektua me koronavirus dhe u shtrua në spital në të njëjtën javë që do të martohej
Carlos Muniz dhe Grace Leimann kishin planifikuar të martoheshin në mes të korrikut, kur planet e tyre u ndërprenë parpitur pasi Muniz u sëmur.
Dhëndri u shtrua në Spitalin Metodist të San Antonio më 15 korrik dhe ishte në nën kujdesin e bluzave të bardha për gati 10 ditë para se situata e tij të përkeqësohej dhe ai të transferohej në kujdes intensiv.
Sapo infermieri Matt Holdridge mësoi në lidhje me ceremoninë e martesës së anuluar të pacientit të tij, ideja për një martesë në spital i erdhi menjëherë. Meqenëse nevojat emocionale të një pacienti shpesh ndihmojnë në rimëkëmbjen fizike, infermieri tha se kishte nevojë për të bërë një dasmë për ta mbajtur pacientin e tij në jetë.
Kur Muniz mësoi se planet e tij të dasmës po gjallëroheshin, gjendja e tij filloi të përmirësohej gjithashtu.
“Ne ishim në gjendje të hiqnim tubin e oksigjenit dhe ai ishte në gjendje të hante vetë dhe të pinte vetë … gjithçka u bë më e mirë”, tha Holdridge.
Të martën, 11 gusht, çifti i lumtur u bashkua në martesë të distancuar shoqërore, ku morën pjesë familja e afërt dhe punonjësit e spitalit, të cilët kishin ndihmuar në kujdesin e dhëndrit gjatë muajit të fundit.
