Presidenti i Republikës së Kosovës, Hashim Thaçi ka reaguar për takimin e 2 shtatorit me Serbinë në Washington, me ftesë të emisarit special të Shteteve të Bashkuara të Amerikës për dialogun Kosovë-Serbi, Richard Grenell.
Përmes një postimi në rrjetin social “Twitter”, Thaçi ka thënë se e mirëpret takimin e paralajmëruar në Shtëpinë e Bardhë.
Megjithatë nuk ka treguar nëse do të marrë pjesë në takimin e paralajmëruar ditën e dytë të shtatorit.
“Mirëpres njoftimin për takim mes të Kosovës dhe Serbisë në Shtëpinë e Bardhë. Jemi mirënjohës për përkushtimin e madh të SHBA-ve për paqe dhe stabilitet në rajon”
Mëngjesin e sotëm Grenell dha lajmin për takimin Kosovë-Serbi në Washington.
Ky takim do të mbahet pas dështimit të atij të 27 qershorit. Ishte anuluar pas ngritjes së aktakuzës ndaj presidentit Hashim Thaçi nga Gjykata Speciale.
