Çdo shqiptar që do të shkojë në Greqi përmes doganës së Kakavijës do t’i nënshtrohet një kontrolli të rreptë ndaj COVID-19 dhe nuk do mund të udhëtojnë gjatë natës!
Burime për Report Tv bëjnë me dije për gazetarin Piro Nase se nga ora 22:00-06:00 të mëngjesit kjo nyje kufitare nga pala greke nuk do të funksionojë. Qarkullimi do të lejohet vetëm në fashën e orarit 06:00-22:00, me qëllim që të gjithë shqiptarët t’u nënshtrohen kontrolleve shëndetësore, përfshirë edhe testin e COVID-19.
Gjithashtu mësohet se Greqia ka vendosur edhe karantinimin me detyrim 7 ditor pas 16 gushtit. Kjo masë vjen një ditë pasi një qytetar shqiptar me shtetësi greke ka hyrë përmes kësaj dogane në gjendje të rëndë shëndetësore i prekur me COVID, ku dhe u shtrua në spitalin e Janinës.
