Shumë njerëz duan të kenë një buzëqeshje të përsosur si ato të Hollywood-it, por fatkeqësisht nuk është gjithmonë e lehtë për tu arritur.
Disa prej nesh përdorin trajtimin e lazerit apo shiritat e zbardhjes, ku të dyja këto mund të dëmtojnë smaltin e dhëmbëve dhe të risin ndjeshmërinë duke shkaktuar dhimbje të mprehta.
Sidoqoftë, dentisti Dr. Richard Marques, me qendër në Marylebone, ka ndarë disa këshilla të rëndësishme për mbajtjen e dhëmbëve të bardhë në rrugë natyrale, pa shkaktuar dëme.
Përdorni sodë pjekjeje
Soda e pjekjes apo e njohur ndryshe soda e bukës, është një zbardhuese natyrale e dhëmbëve falë vetisë së saj oksiduese. Shumë pasta dhëmbësh kanë përmbajtje sode. Përziejeni një çerek luge çaji me sodë buke me ujë dhe aplikojeni atë në dhëmbët tuaja me anë të furçës. Kjo përmbajtje nuk do të dëmtojë dhëmbët, por do ti bëjë ata të duken gradualisht më të bardha me kalimin e kohës.
Hani luleshtrydhe
Për shkak të acidit të bollshëm malik, i cili është një pastrues mjaft i mirë natyror, luleshtrydhet mund të zbardhin dhëmbët tuaja. Kështu që konsumojini ato!
Ujë i ngrohtë me përmbajtje kripe.
Kripa ndihmon si në zbardhjen e dhëmbëve dhe në kujdesjen e mishrave të dhëmbëve pasi është një antibakterial natyral. Përzieni një lugë çaji kripë në një filxhan me ujë të zier (sigurohuni që të ftohet) dhe përdoreni atë si gargarë.
Konsumoni ushqime të bardha
Sikurse duket dhe mjaft qartë, sa më të bardha të jenë ushqimet që hani, aq më të bardhë do të jenë dhëmbët tuaj. Në ndihmë të dhëmbëve të bardhë, ju duhet të hani ushqime si mish pule, oriz dhe peshk. Shmangni ushqimet e pigmentuara, si psh panxhari, boronica, karrota apo dhe ushqimet kineze e indiane, të cilat përdoren si ngjyrosës ushqimorë, pasi ato ndikojnë në smaltin e dhëmbëve.
Hani mollë
Mollët janë një nga ushqimet më të mira për pastrimin e dhëmbëve. Kjo për shkak të strukturës së lëvores së mollës, dhe gjithashtu sikundër dhe luleshtrydhet, mollët përmbajnë acid malik duke rritur kështu procesin e pastrimit.
Pini ujë ose qumësht
Kalciumi në qumësht ndihmon në forcimin e smaltit dhe strukturës së dhëmbëve, si dhe në kockat e nofullës, ndërsa uji është pastrues mjaft i mirë natyror që ndihmon në larjen e dhëmbit.
Hani djathë
Një tjetër ushqim i madh natyral i pastrimit që mund të forcojë dhëmbët është djathi. Sigurisht që përmban shumë kalcium për t’i mbajtur dhëmbët të forta, por gjithashtu ka një strukturë sipërfaqe pastrimi – veçanërisht kur bëhet fjalë për djathërat më të rëndë si çedra
Përdorni vaj kokosi si shpëlarës goje
Kjo teknikë, e njohur si tërheqja e vajit apo naftës, përfshin mbushjen e gojës suaj me një lugë gjelle vaj kokosi për rreth 15 min. kjo do të largojë bakteret dhe ndihmon në parandalimin e gurëzave dhe njollave nga fërkimi i dhëmbëve duke i lubrifikuar ato.
Qymyr druri
Sikurse tingëllon çuditshëm, qymyr druri është një mënyrë tjetër efektive për të ndihmuar në pastrimin dhe zbardhjen e dhëmbëve. Kjo është 100% zbardhues natyral i bërë nga lëvorja e kokosit. Ai forcon mishrat, largon toksinat nga goja, thith bakteret dhe çdokush mund ta kryeje.
