Ditën e djeshme gjykata ka vendosur për pushimin e çështjes për Bashën dhe dy zyrtarët e tjerë, të cilët janë të pandehur për lobimin 675.000 dollarë në SHBA.
Lulzim Basha, u mor i pandehur në gjykatën e Tiranës përballë Prokurorisë, për lobimin 675 mijë dollarë në Shtetet e Bashkuara të Amerikës përmes kompanisë offshore Biniata Trade, për zgjedhjet parlamentare të vitit 2017.
klikoni linkun e mëposhtëm
https://efile.fara.gov/docs/6414-Exhibit-AB-20170331-1.pdf
Në bankën e akuzës janë edhe ish-sekretari i Përgjithshëm të PD Arben Ristani dhe financieri i kësaj force politike Ilir Dervishi.
Tre personat akuzoheshin për “Falsifikim të dokumenteve dhe formularëve”, pasi nuk kanë bërë deklarimin e shumës në pasqyrat financiare të Partisë Demokratike pranë Komisionit Qendror të Zgjedhjeve. Ndërsa hetimet për “Pastrim të produkteve të veprës penale” u pushuan.
Mosdënimi i Lulzim Bashës nga Gjykata e Tiranës ishte, një lloj gëzimi në Partinë Demokratike aq sa ata i quanin akuzat e ngritura nga prokuroria si politike.
Me gjithë provat e prokurorisë, gjykata “mbylli sytë” dhe e pushoi çështjen. Ky lloj vendimi na rikthen pas në kohë më 17 shkurt 2012 dita kur Gjykata e Lartë vendosi pushimin e çshtjes për videon “Meta-Prifti”.
Prokuroia e Përgjithshme në atë kohë i kërkoi gjykatës të deklaronte fajtor ish-zv.kryeministrin Ilir Meta dhe ta dënonte atë me 2 vjet burg, një milion lekë gjobë dhe t’i ngarkonte po ashtu shpenzimet proceduriale. Kolegji penal shpalli pafajësinë për të me 4 vota pro dhe një votë paralele e Ardian Dvoranit i cili vitin e kaluar është sulmuar dhe pasditur nga presidenti Meta.
Provat ishin të dukshme si për Bashën me letra, firma dhe fakte ashtu dhe për Metën me video edhe dëshmia e ish-ministrit Dritan Prifti. Të gjitha këto prova u hodhën në “kosh” pasi gjykatat i mbyllën sytë për “peshqit e mëdhenj” të cilët drejtojnë parti politike dhe institucionet me të larta në Shqipëri.
AlpeNews.al