Është zyrtare. Rihanna nuk do të marrë pjesë në shfaqjet e Vjeshtë 2018. Në nder të krijimeve të saj unike dhe atmosferës si asnjëherë tjetër gjatë koleksionit Fenty x Puma Pranverë 2018 (shfaqur në shtator 2017), përzgjodhëm disa nga trendet mbizotëruese, që edhe pranvera jonë të jetë po aq me stil sa Rihanna.
Fustane të ngushtë dhe seksi që s’i kemi parë më herët. Rihanna luan me kufirin mes sensuales dhe sportives dhe e arrin më së miri. Edhe kombinimi i ngjyrave që ngjan i pamundur të kënaq syrin.
Kurrsesi Rihanna s’do të mund të dizenjonte një veshje që s’është seksi. Dyshet streçe dhe reçipeta monokromatike, shoqëruar me thonj neon, kanë Bad Gal RiRi shkruar në ballë.
Pulovra me kapuç dhe të prera ose cropped hoodie është veshja që transformon çdo look. Xhinset ngjajnë më stil, pantallonat e garave, fundet, çdo gjë ngjan e freskët me një pulovër të tillë.
Këto pantallona janë gjithçka. Kjo xhaketë. Të dyja bashkë janë gjithçka! Antonimi i fjalës bazike është ky look.
I preferuari im deri më tani, është kjo veshje femërore dhe transgresive. Perfekte për netë pranvere kur del me ditë dhe kthehesh orëve të freskëta të mëngjesit.
Tani imagjinojeni me çizmet rozë dhe voila, ja ku ndërtuam një garderobë pranvere me pak punë.
/anabel
