Policia e Durrësit ka goditur një rrjet prositucioni, ku janë arrestuar dy persona dhe një tjetër është shpallur në kërkim.
Ne kuader te operacionit “Rent”, ku policia e Durresit arrestoi në flagrancë dy shtetase dhe procedoi në gjëndje të lirë një tjetër, zbulohen te tjera detaje.
Sipas policise, shtetasia Shpresa Pisha, në rolin e organizatores dhe ndërmjetëses kishte marrë me qira një lokal në qytetin e Durrësit.
“Ajo ndërmjetësonte me klientët që frekuentonin lokalin e saj duke siguruar lidhjen e tyre më pas me shtetasen Y. R”- njofton policia.
Me pas, ajo kishte lene edhe banesen ne dispozicion te “punes” qe bente,
“Shpresa Pisha vinte në dispozicion ambjentet e banesës së saj në Plazh, Durrës për ushtrimin e këtij aktiviteti kriminal kundrejt një shume 5 000 lekë(të reja)”- njofton policia.
Vijojnë hetimet për zbulimin e autorëve të tjerë të implikuar në këtë veprimtari kriminale.
Njoftimi i policisë
Specialistët për Trafiqet finalizojnë me sukses operacionin e koduar”Rent”.
Shfrytëzonin femra dhe përshtatnin ambjente për prostitucion.
Arrestohen në flagrancë dy shtetase dhe procedohet në gjëndje të lirë një tjetër.
Specialistët për Hetimin e Trafiqeve në Drejtorinë Vendore të Policisë Durrës në bashkëpunim me Prokurorinë e Rrethit Gjyqësor Durrës, pas një hetimi rreth 2- mujor me metoda speciale kanë bërë të mundur dokumentimin ligjor të një rrjeti të shfrytëzimit të femrave për prostitucion.
Është finalizuar me sukses operacioni i koduar “Rent” ku u arrestuan në flagrancë shtetaset:
• Shpresa Pisha 47 vjeçe, banuese në Durrës;
• Y. R. 40 vjeçe, banuese në Durrës.
Gjithashtu filloi procedimi penal në gjendje të lirë në ngarkim të shtetasit:
• G.A. 44 vjeç, banues në Shijak.
