Një 35-vjeçar nga Tirana është arrestuar nga policia në Bulqizë, pasi ka tentuar të korruptojë policin për të shmangur gjobën. Mësphet se 35-vjeçari Miklovan Lamani, banues në Tiranë, i ka ofruar ryshfet punonjësit të policisë rrugore për të shmangur kontrollin e dokumentacionit.
“Nga efektivët e Sektorit të policisë rrugore në Drejtorinë Vendore të Policisë Dibër, në vendin e quajtur ‘Qafa e Buallit’, Bulqizë u arrestua në flagrancë shtetasi Miklovan Lamani, 35 vjeç. Ky shtetas u ka ofruar 5000 lekë punonjësve të policisë rrugore , për të shmangur masën administrative pasi nuk kishte vendosur rrinin e sigurimit, si dhe kishte mungesë të dokumentacionit të automjetit”, thuhet në njoftimin e policisë.
Në cilësinë e provës materiale u sekuestrua vlera monetare.
Materialet proceduriale do t’i referohen Prokurorisë së Rrethit Gjyqësor Dibër për
veprën penale “Korrupsion aktiv ndaj personave që ushtrojnë funksione publike”.
