Një vajzë 16-vjeçare u mbajt rob dhe u përdhunua nga 7 burra dhe djem, për 5 ditë me radhë.
Ngjarja e rëndë ka ndodhur në Indi, ku 16-vjeçarja u gjet në gjendje shoku, në një stacion autobusi. Pas kësaj ngjarje, autoritetet kanë premtuar veprime më të ashpra.
Ky është një krim i urryer dhe ne do të ndërmarrim hapa parandalues për të siguruar që incidente të tilla, të mos ndodhin”, tha ministri i shtetit.
Policia tha se shtatë të dyshuar ishin arrestuar, katër prej tyre studentë inxhinieri dhe tre prej tyre të mitur.
Shefi i policisë tha se një nga të dyshuarit kishte fituar besimin e vajzës, ndërsa ajo ishte duke pritur për mikun e saj në stacion autobusi.
Ai e gënjeu atë duke i thënë se e njihte mikun e saj, duke e dërguar më pas në dhomën e tij, ku e mbajti rob dhe e përdhunoi së bashku me 6 shokë të tij. Vajza kishte arritur të arratisej dhe të drejtohej për nga stacioni i autobusit, ku u vu re nga oficerët e policisë, të cilët e ndihmuan atë.