Dietologeja e njohur, Melissa Meier ka treguar pesë arsyet pse njerëzit nuk duhet të ndalojnë se konsumuari karbohidrate. Ajo ka thënë se ato janë superushqim pasi që japin shumë energji dhe vitamina, Meier ka thënë se karbohidratet janë një pjesë e balancuar e dietës
Pavarësisht a është bukë, pasta apo patate, ne gjithmonë besojmë se karbohidratet janë ushqimi natyral i humbjes së peshës.
Megjithatë, një dietologe thotë se kjo nuk është tërësisht e vërtetë.
Melissa Meier ka treguar pesë arsyet se pse ajo kurrë nuk i ka larguar nga grupi i ushqimeve karbohidratet.
Këto janë arsyet se pse nuk duhet të ndaloni se konsumuari karbohidrate…
Rrisin energjinë e juaj
E para arsye në listën e Meier është se karbohidratet janë të mira për shkak se ato ‘rrisin energjinë”.
“Fasulja dhe drithërat nuk janë vetëm një burim i mirë për energji më të madhe, ato po ashtu janë burime të mira me bazë proteinat që ndihmojnë në rritjen e muskujve dhe riparimin e tyre”, ka shkruar ajo në botimin e saj.
Ajo po ashtu ka shtuar se disa nga perimet e tilla janë super ushqim të cilat ndihmojnë për të pasur zorrë të shëndetshme.
Shkenca ende nuk thotë se nuk duhet përdorur
Një tjetër arsye, sipas saj, që mos të largojmë karbohidratet nga tavolina është se këtë nuk e ka vërtetuar shkenca.
“Konsumimi i drithërave (sidomos farave) janë lidhur me zgjatjen e jetës, si dhe uljen e rrezikut nga sëmundjet e zemrës, diabeti madje edhe kanceri”, thotë ajo.
Megjithatë, kjo nuk do të thotë se ju ta konsumoni një pjatë të madhe me shpageta, është e rëndësishëm që të koncentroheni dhe të merrni numrin e duhur të karbohidrateve komplekse.
Janë pjesë e dietës së baraspeshuar
Përderisa mund të jenë pak më kalorike se ushqimet e tjera, Meier kujton se ka forma të karbohidrateve që janë pjesë e dietës së balancuar-madje edhe qumështi, i cili mund të jetë burim i karbohidrateve duke falënderuar edhe laktozën me sheqer natyral.
Ajo rekomandon që të zgjidhni ushqime si qumësht, jogurt dhe djathë, të cilët janë të pasur me proteina dhe kalcium-të cilat janë krucial për të pasur eshtra dhe dhëmbë të shëndetshëm.
Ne kemi nevojë për fruta që rrisin imunitetin
Frutat janë burime të rëndësishme të karbohidrateve dhe Meier thotë se ndokush mund të thotë se duhet shmangur perimet pasi që kanë shumë sheqer. Thjesht injorojeni këtë.
“Po, ama pemët përmbajnë sheqer natyral që mbet super ushqyes për njeriun-dhe nuk ka tipa të pemëve që janë të mira apo të këqija sepse të gjitha janë të njëjta”, tha ajo.
Dy pemë në ditë, të ndryshme ndihmojnë për të pasur shëndet të mirë dhe janë antioksidant të mëdhenjë që luftojnë çdo sëmundje.
Patatet janë nevojë për t’u ushqyer
E fundit por jo e pa rëndësishme, thotë Meier janë perimet nisheste si patatet dhe misri janë të nevojshme për çdo dietë dhe nuk duhet të ndërpriten.
Pavarësisht a është kjo një patate e ëmbël e pjekur apo një patate e zier për drekën tuaj, të dyja janë të mbushura me fibra të cilat ushqejnë bakteret e mira në zorrët e juaja.
