Më shumë se vetë të zotin e punës, gërhitja shqetëson personin tjetër që ndodhet aty, krah tij. Ndaj nëse e keni ndarë mendjen dhe nuk doni më kurrën e kurrës të gërhisni, 4 këshilla të vogla do t’ju vinë në ndihmë.
1. Ndryshoni pozicionin e fjetjes
E fjetura me kurriz është një ndër arsyet kryesore të gërhitjes. Provoni të flini në një anë, pak rëndësi ka se në cilën dhe do të shihni se zhurma kaq e bezdisshme do të reduktohet.
2. Shmangni alkoolin
Specialistët thonë se të pirit alkool katër deri në pesë orë para se të flini do t’iu shkaktojë gërhitje.
“Edhe njerëzit që nuk e kanë për zakon, pas alkoolit do të gërhasin.” Thotë Dr. Chokroverty
3. Humbni peshë
Kjo nuk është e vlefshme për këdo. Nëse më parë nuk gërhisnit, por pas kileve të shtuara po e bëni, atëherë problemi qëndron te pesha. Kilogramët e marrë rreth qafës ngjeshin diametrin e brendshëm të fytit, çka shkakton gërhitjen.
4. Pushoni më shumë
Pas orëve të tëra lodhjeje, ju do të shtriheni e do të flini më të rraskapitur se kurrë. Kështu teksa bëni një gjumë të rëndë e të thellë, muskujt lëshohen tërësisht dhe ju nisni e gërhisni.
