U zbulua ditën e sotme porositësi i vërtetë i automjeteve Toyota Yaris ku u gjetën 3 MILION e 470 MIJE EURO, ditën e djeshme në Durrës.
Emri i porositësi ALBAN MOLLAYMERI doli pas dokumentave doganore pasi fillimisht u pretendua se automjetet e mbushura me para ishin porositur nga një biznesmen kosovar.
Një tjetër DETAJ që i nxorri zbuluar transportuesit e parave ishte që 7 automjetet e porositura e kanë origjinën nga Gjermania dhe jo nga Belgjika siç kanë deklaruar fillimisht poseduesit e tyre.
Nga dokumentet rezulton se porositës është Alban Mollaymeri, një pronar servisi dhe për t’i transportuar ka kontaktuar Edi Likën, i cili gjithashtu ka një sërvis makinash dhe një kompani trasnporti.
Ndërkaq dy makinat e tjera, një Opel dhe një Alfa Romeo qe ishin mbi kamion bisark bashke me 7 Toyotat, janë porositur prape në koncensionarin Doci por nga dy individë të tjerë që nuk dyshohet të kenë lidhje me trafikun e parave, me orgjinë nga trafiku i drogës.
Detaji që e bënë akoma edhe më të dyshimtë ngjarjen është aktiviteti i porositësit Alban Mollaymeri i cili, sipas dokumenteve të siguruara në Qendrën Kombëtare të Biznesit, ka hapur një licencë rishtazi, e cila mban datën 10/10/2017, por pa dhënë detaje apo specifikuar nëse kompani ka si objekt aktiviteti edhe importimin e makinave.
Por edhe pse Alban Mollaymeri rezulton pritësi i makinave, sërish ngrihen dyshime nëse është ai destinacioni final i 3. 4 milionë eurove apo persona të tjera fshihen pas tyre.Shuma e eurove ishte fshehur në dy nga nëntë makinat ‘Toyota Auris’, të nisura nga Gjermania, ndërsa kaluan tranzit nga Italia dhe dje nga Bari arritën në Durrës me traget.
Veprimet e para për këtë dosje hetimore janë kryer nga prokurori pranë Prokurorisë së Durrësit, Sokol Nishani, vëllai i ish-Presidentit të Republikës, Bujar Nishani, e më pas ka kaluar në duart e Ornela Rrumbullaku, e cila është përgjegjëse e strukturës së Task Forcës pranë prokuorisë për krimet të rendë në Tiranë.
Ndërkoh në pranga janë vendosur tre persona, shooferi i kamionit që transportonte automjetet Agim Ceka, Pronari i kamionit dhe kompanisë së transportit Edi Lika (Çani) dhe djali i tij që shoqëronte shoferin e kamionit Klevis Lika (Çani).
AlpeNews.al
