Efthimiu Efthimius është marrë mbrëmë vonë në pyetje nga policia dhe ka mohuar të ketë lidhje me ngjarjen. Madje ai shprehet se ishte i shokuar nga arrestimi.
Nga hetimet rezulton se shtetasi grek ka hyrë në Shqipëri prej afro dy muajsh dhe është vendosur në një shtëpi me qira në zonën e “Unazës së re”. Ai ka pranuar se gjatë qëndrimit në vendin tonë është njohur me njërin nga personat e arrestuar me të.
Por siç u tha edhe nga burimet, shuma e paguar për kokën e Devi Kasmit ishte plot 25 mijë euro. Kujtojmë se paratë që iu gjetën në momentin e arrestimit, ishte një sasi prej 2 mijë eurosh dhe 50 mijë lekë shqiptare, që sipas drejtorit të policise Tiranë, Ardi Veliu ishin pjesë e pagesës totale përfituar si shpërblim për vrasjen.
/AlpeNews.al/
