Sot shënohet 24 vjetori i çlirimit të Kosovës. Liderët e shtetit i kanë nisur nderimet me homazhe pranë varrit të ish-presidentit, Ibrahim Rugova.
Presidentja Vjosa Osmani, kryeministri i Kosovës, Albin Kurti dhe kryeparlamentari Glauk Konjufca kanë bërë homazhe edhe pranë varrit të ish-veprimtarit, Adem Demaçi.
Ditën e çlirimit të Kosovës, Osmani, Kurti dhe Konjufca bëjnë homazhe edhe në Kompleksin Memorial “Adem Jashari” në Prekaz.
Të tjera ceremoni priten gjatë ditës mes tyre dhe performanca nga orkestra e Forcës së Sigurisë së Kosovës në mesditë dhe pritja e përbashkët shtetërore për nder të Ditës së Çlirimit në mbrëmje.
