Sot data shënon 21/12/2020 dhe nuk është aspak ditë e zakonshme! Jupiteri dhe Saturni do të vendosen në vijë të drejtë pranë njëri-tjetrit, duke krijuar eventin e quajtur “bashkimi i madh”. Kjo datë shënon afrimin më të madh të planeteve që ndodh 1 herë në rreth 400 vite.
Kur Saturni dhe Jupiteri të takohen në 21 dhjetor, planetet do të duken si një pikë e shndërritshme që do të jetë lehtësisht e dallueshme në qiellin e natës. Gjatë gjithë javëve të fundit planetet kanë qenë duke lëvizur në drejtim të njëri-tjetrit.
Hera e fundit kur ndodhi një ngjarje hapsinore si kjo ishte 21 dhjetor i 1623-it, por njerëzit nuk mundën të shihnin asgjë pasi planetet ishin shumë pranë Diellit.
Sa e dukshme dhe e shndërritshme do të jetë?
Astrologët thonë se njerëzit s’duhet të kenë pritshmëri duke menduar se do të shohin ndonjë gjë çmendurisht të dukshme. Nuk do të shkëlqejë aq sa Hëna, por do të duket, mjafton të siguroheni që të mos jua pengojë pamjen një pemë apo pallata gjigande. Eventi planetar do të ndodhë menjëherë pas perëndimit të diellit dhe njerëzit mund ta shohin bashkimin e planeteve rreth orës 7 të pasdites. Nëse do të jeni më fat do të vini re dy pika të shndërritshme. Ai që shkëlqen më shumë është Jupiteri e ndërsa tjetri Saturni.
Kjo është drita më e bukur që mund të shohim nga qielli i 2020-ës, prandaj mos e humbisni për asnjë arsye!
