Princi saudit Al- Waleed bin Khaled bin Talal Al Saud, i njohur gjerësisht si “Princi i fjetur”, ka ndërruar jetë në moshën 36-vjeçare, pas më shumë se dy dekadash në koma.
“Me dhimbje e trishtim të thellë, njoftojmë ndarjen nga jeta të birit tonë të dashur, Princit Al- Waleed bin Khaled bin Talal bin Abdulaziz Al Saud. Allahu e mëshiroftë”, ka shkruar ai.Postimit i bashkangjiti një fotografi bardhë e zi të të birit, i shtrirë në shtrat spitali me sytë mbyllur. Ai shtoi se ceremonia mortore do të mbahej të dielën, më 20 korrik.
Princi Al- Waleed lindi në prill të vitit 1990. Në vitin 2005, kur ishte vetëm 15 vjeç dhe studionte në një kolegj ushtarak në Londër, ai pësoi një aksident të rëndë automobilistik, nga i cili mori dëmtime të rënda në tru dhe hemorragji të brendshme.
Pas aksidentit, ai ra në koma dhe u transferua për trajtim në Qytetin Mjekësor “Mbreti Abdulaziz” në Riad, ku qëndroi në koma deri në ndarjen nga jeta.
Për më shumë se 20 vite, i ati zgjodhi ta mbante të birin në aparate dhe dokumentonte shpesh në rrjetet sociale momente të lutjes për të, si dhe festime të veçanta pranë shtratit të tij, përfshirë Ramazanin, Fitër Bajramin dhe Ditën Kombëtare të Arabisë Saudite.
Ndonëse Princi Al-Waleed nuk e rifitoi kurrë vetëdijen e plotë, ai herë pas here shfaqte reagime të lehta fizike, si lëvizje të duarve apo të gishtërinjve, reagime të cilat i ati i ndante me publikun, shpeshherë duke prekur zemrat e miliona ndjekësve.
Princi i ri kishte pritur gjithashtu vizita të shumta gjatë viteve, nga të afërm, miq dhe figura publike, të cilët luteshin pranë tij dhe shfaqnin mbështetje për familjen mbretërore.
