2 persona janë plagosur me armë zjarri rreth orës 03:50 të mëngjesit të sotëm në Sarandë. Njëri prej të plagosurve është biznesmeni Spiro Iljadhi 33 vjeç, ndërsa identiteti i personit tjetër të plagosur nuk është bërë me dije ende.
Të plagosur në rrethana ende të paqarta janë S. I 35 vjeç, banues në Sarandë dhe M. J 33 vjeç, banues në Tiranë. Ngjarja ka ndodhur sot rreth orës 03:50 në lagjen Nr.1 në afërsi të një lokali. Burime nga policia bëjnë me dije se dy personat ndodhen në spital jashtë rrezikut për jetën.
“Sot, rreth orës 03:50, në lagjen Nr.1, në afërsi të një lokali, në rrethana ende të paqarta, janë plagosur me armë zjarri shtetasit S. I., 35 vjeç, banues në Sarandë dhe M. J., 33 vjeç, banues në Tiranë, të cilët ndodhen në spital jashtë rrezikut për jetën. Grupi hetimor ndodhet në vendin e ngjarjes ku vijon puna për zbardhjen dhe dokumentin e plotë të rrethanave të ngjarjes”, thotë policia.
Shërbimet e policisë kanë ngritur pika kontrolli dhe vijon krehja e zonēs për të bërë të mundur kapjen e autorit/ve.