2 tonë drogë në Ferrara/ Identifikohet shqiptari që bënte transportin (EMRI)

Shtetasi  Roland Rrapaj eshte shqiptari 19 vjeçar nga Vlora, i arrestuar pak ditë më parë nga policia italiane përgjatë operacionit të sekuestrimit të rreth 2 tonë drogë në provincën e Ferrarës.
Rrapaj ka preferuar të heshtë përballë pyetjeve të autoriteteve italiane të cilat kanë urdhëruar arrestimin e tij me burg me akuzën e transportit dhe trafikimit të lëndës narkotike.
Së bashku me Roland Rrapaj në bordin e dy furgonave ku u sekuestrua lënda narkotike , po udhëtonin dhe dy trafikantë të tjerë të cilët janë shpallur në kërkim nga policia italiane.
Sipas hetimeve italiane droga e konfeksionuar në 90 pako të mëdha në sasinë e 2041 kg marijuanë e 10 kg hashash do të sillte grupeve krimiknale një vlerë përfitimi prej 20 milionë euro.
Po sipas autoriteteve italiane, kjo sasi droge kishte mbërritur nga Shqipëria në brigjet e qytetit Ravennate e po transportohej me dy furgona drejt tregjeve ilegale të shitjes në Bologna e në rajonin e Venetos.
Dy furgonat që po trasportonin lëndën narkotike figurojnë të marra me qera nga një person banues në qytetin e Romës, identiteti i të cilit për arsye hetimi nuk është bërë ende i ditur.