Si duket një psikopat? Vështirë ta dallojmë, paçka se “psikopat” mund t’i themi edhe dikujt i cili bën një veprim që na duket i çuditshëm, tallës, fyes, e kështu me radhë.
Epo, më poshtë do gjeni 15 simptomat klinike që shfaqen tek një psikopat, të cilat i sjell në shqip Endri Shabani, një i ri që ka mbaruar dhe mbrojtur doktoraturën në Oxford.
15 simptomat e psikopatisë sipas “American Psychology Association” janë:
Është tepër i artikuluar dhe të bën për vete
Ka mendim të ekzagjeruar për rëndësinë e tij, mendon se është njeri i madh
Gënjeshtar patologjik
Manipulon dhe shfrytëzon të tjerët
I paafte për të ndjerë keqardhje për të tjerët, madje as për viktimat e shkaktuara për faj të tij
I paaftë për të ndjerë faj apo pendesë
Nuk mban përgjegjësi për veprimet e veta
Tendencë për t’ia hedhur gjithmonë fajin të tjerëve
I ftohte emocionalisht ose ka vetëm emocione sipërfaqësore
Ka stil jetese të bazuar në paratë e të tjerëve
Ka jetë të ç’thurur seksuale, duke përfshirë edhe dhunën ndaj partnerit
Ka vetëm lidhje të shkurtra dhe problematike, dhe shpesh ka disa martesa të dështuara
I paaftë për të kontrolluar inatin e tij, bëhet hakmarrës
Është impulsiv në sjellje
Ka patur probleme sjellje që rreth moshës 13 vjeçe, që përfshijnë gënjeshtrat patologjike, vandalizmin, arratisje nga shtëpia etj.
