Elisa Spiropali dhe Damian Gjiknuri kanë ndarë emrat që do të garojnë në bashkitë e qarkut të Shkodrës dhe Elbasanit.
“Shkodrës do i japim ofertën më të mirë ndonjëherë. Kemi shumë besim se kandidatura e Benet Beci shkon përtej PS-së. Në Malësinë e Madhe do të shkojmë me kandidaturën e Tonin Marinaj, kryetarit aktual, i cili ka bërë një punë shumë të mirë. Në Pukë me Gjon Gjonaj, kryebashkiakun aktual. Në Bashkinë e Vaut të Dejës shkojmë me Kristian Shkrelin, zv.kryetar i Bashkisë. Një djal shjumë energjik. Në Bashkinë e Fushë-Arrëzit me Frank Tucin, kryetarin aktual që ka investuar për Fushë-Arrëzin”, tha Spiropali.
“Për Bashkinë e Elbasanit do të kandidojmë kryetarin aktual. Në Bashkinë e Cërrikut Andis Salën, kryetarin aktual të Bashkisë. Gjithashtu për Bashkinë e Belshit zotin Arif Tafani, kryetarin aktual. Në Bashkinë e Gramshit do të kandidojmë zotin Besjan Ajazi. Për Bashkinë e Peqinit, Bukurosh Maçi. Në Bashkinë e Librazhdit Mariglen Disha. Në Prrenjas kemi zotit Nuri Belba”, tha Gjiknuri.
