Djali i tij, Anduel Xhindi vazhdon të jetë i vendosur për të vënë drejtësinë në vend. Pak më parë, ai ka bërë në ‘Instastory’ një status të papritur, ku shprehet se moszbardhja e ngjarjes nuk është vetëm për familjen dhe miqtë, por për të gjithë shoqërinë dhe politikën.
‘Ai zotohet se drejtësia do të vihet, pasi ia kanë borxh jetën Xhindit.
Duan apo nuk duan, drejtësia do të vihet në vend, që shpirti i tij të prehet i qetë. Pengu i moszbardhjes nuk është vetëm për familjen dhe miqtë, pengu është i të gjithëve, i shoqërisë, i politikës e i atyre që e kanë për detyrë të bëjnë drejtësi. Na jepni atë që na takon!
Na e keni borxh! Ja keni borxh Fatmirit! Drejtësi ka dhe drejtësi do të bëhet!’, shkruan ai.
Kujtojmë se, deputeti Fatmir Xhindi u vra mbrëmjen e 2 majit 2009 në derën e shtëpisë në Roskovec. Vrasja e deputetit socialistë tronditi Roskovecin dhe gjithë Shqipërinë. Ai njihej si deputet i njerëzve të thjeshtë dhe që ju gjendej gjithmonë pranë.
