Aida Gashi, një e re nga Prishtina është gjobitur me 100 euro në muajin korrik, pasi sipas një polici, po qeshte me zë të lartë.
Ngjarja ka ndodhur në rrugët e kryeqytetit të Kosovës, teksa e reja po priste taksinë t’i vinte për ta dërguar në shtëpi, pasi ishte argëtuar me shoqet.
Kjo gjobë i është dukur e çuditshme vajzës, e cila e ka bërë rastin publik në rrjetet sociale. Vetëm pak ditë më parë videoja e këtij debati është publikuar.
Në pamjet filmike, vajza e pyet policin nëse është normal. Ai i kthen përgjigjen se është ora 1 i natës.
Ky debat dhe kjo gjobë është kontestuar sëshumti, ndërsa në rrjet ka pasur debat e të gjerë e reagime pafund kundrejt një situate të tillë.