Kryebashkiaku i Kamzës, Rakip Suli ka prezantuar para qytetarëve analizën e 100 ditëve të punës së tij që prej zgjedhjes në këtë post.
Të pranishëm në këtë takim veç qytetarëve të shumtë kanë qenë Sekretari i Përgjithshëm i Partisë Socialiste, Taulant Balla, drejtuesja politike e qarkut Tiranë, Elisa Spiropali dhe deputeti i zonës Eljo Hysko.
Në prezantimin e tij Suli paraqiti investimet e kryera nga insititucioni që ai drejton në infrastrukturën rrugore, ndriçim, kopshte, çerdhe, shkolla, etj, në dobi të qytetarëve.
Veç kësaj Suli u ndal edhe te projektet që Bashkia ka për të ofruar sa më shumë shërbime në interes të qytetarëve të Kamzës.
Ai u ndal edhe te keqdrejtimi i Kamzës nga paraardhësi i tij Xhelal Mizu ku ka bërë gati dosjet që do i depozitohen Prokurorisë për abuzimet e shumta të kryera në 12 vite nga Mziu.
Në fjalën e saj, Elisa Spiropali falenderoi Sulin për punën e bërë deri tani dhe shtoi se ky ritëm duhet të mbahet në mënyrë që për qytetarët të bëhet më e mira.
Taulant Balla nga ana e tij theksoi se më në fund edhe Kamza është futur në radhën e atyre bashkive që janë model për nga mënyra e funksionimit, ashtu sikurse sipas tij dinë të drejtojnë vetëm socialistët.