Dy persona janë arrestuar në Prishtinë pasi kanë shantazhuar një person tjetër me publikimin e një video-incizimi intim.
Sipas raportit policor, një burrë dhe një grua kanë kërkuar shpërblim për mospublikimin e video-incizimit intim të viktimës, 10 mijë euro.
Pas hetimeve policore dhe identifikimit të personave të dyshuar, këta të fundit janë arrestuar dhe janë intervistuar në prezencën e avokatit.
Me vendim të prokurorit dy të arrestuarit janë dërguar në mbajtje.
