Sot bëhet 1 vit nga tërmeti 6.4 ballë me pasoja tragjike i datës 26 nëntor të vitit të kaluar, ku u shuan 51 jetë e me mijëra persona mbetën pa shtëpitë e tyre.
Edhe pse tani fillon një vit i ri, duke lënë pas ato çfarë kanë ndodhur, shumë familjarë janë ende me plagët e hapura, për familjarët që humbën apo shtëpinë e tyre të dashur që u shemb.
Dy zonat më të prekura dhe me më shumë viktima kanë qenë Durrësi dhe Thuma.
Lëkundjet e forta sizmike sollën shumë panik në të gjithë vendin, jo vetëm në atë ditë por edhe për muajt më pas, duke mbajtur qytetarat në aknth, të cilët qëndronin drejt derën për të vrapuar jashtë saj në moment që dëgjonin edhe lëkundje të vogla, që as ato nuk kanë munguar për javë më vonë.
Dëmet e mëdha materiale të shkaktuara nga tërmeti, ku shumë familje mbetën vnë qiell të temrhapur, sollën edhe solidarizimin e të gjitha shteteve botërore, duke e shprehur nëpërmjet ndihmave të shumta financiare, apo sjelljen e shumë prej forcave të kërkim-shpëtimit, të cilët luftuan për nxjerrjen e trupave nën gërmadha për disa ditë me rradhë, bashkë me forcat shqiptare.
Tanimë një vit më pas, shumë shtëpi janë rindërtuar dhe shumë të tjera janë në rindërtim, por pavarëisht kësaj viti 2019 do të mbahet mend gjatë si një vit zie për shkak të këtij tërmeti që mori 51 jetë plot ëndrra.
Pak minuta më vonë edhe kryeministri Edi Rama do të mbajë një konferencë për shtyp ku në fokus do të ketë tërmetin.
