Mediat greke kanë nxjerrë detaje te tjera për kapjen e 1.6 tonë drogë ne nje gomone ne ujerat greke qe dyshohet se ishte nisur nga Himara.
Policia greke arrestoi 11 persona gjithsej, mes tyre edhe shqiptare. Por mediat greke ka qe prej te shtunes qe flet për ‘bossë’ nga Shqipëria.
Po sot gazeta “To Vima” shkruan se grupi kriminal paguante 50-60 mijë euro për vendosjen e motorëve në gomone që të ishin gati për udhëtim. Disa nga gomonet i deklaronin si të shkatërruara nga zjarri. Grupi ishte i trajnuar për taktika anti-ndjekje dhe përdornin automjete me targa të huaja.
Shumë nga të arrestuarit kishin përgjegjësi vetëm për ruajtjen dhe mirëmbajtjen e gomoneve. Një pjesëtar kryesor i grupit konsiderohet një 31-vjeçar me shtetësi italiane dhe origjine shqiptare, i njohur me pseudonimin “Vito”.
Ndërsa televizioni “ANT1” shkruan se greku i arrestuar që kishte parking gomonesh është djalë polici. Nëna e tij shprehet se këtë gomone ai e mbajti tre muaj në parking thjesht në ruajtje.
“E thamë 100 herë nuk është i përzier në gjëra të tjera. Çdo njeri mund të ngatërrohet kështu. Është i pafajshëm”, deklaronte nëna e tij.
