Prokuroria i Pireut ka përfunduar dhënien e masave të sigurisë për të arrestuarit për 1.6 ton drogë të ardhur nga Shqipëria me gomone.
Masat e fundit janë dhënë për dy grekët, dy shqiptarët dhe një shtetas me origjinë bullgare, ndërkohë që dje dhe pardje u dhanë masat për 4 shqiptarët e tjerë dhe për dy italianët. Prokurori ka vendosur të lerë në burg të gjithë të akuzuarit. Sot u morr masa për 63-vjecarin Spiro Kardami, 43-vjecarin Dimitrios Liakopoulos, 32-vjecarin Arban Baxheri, shqiptarin tjetër Ermal Likaj dhe bullgarin Yordan Stoyanov.
Ndërkohë gjatë seancës Kardami është shprehur se: “Kam kompani që blen skafe, por nuk kam lidhje fare me trafikun e drogës”.
Ndërsa një nga drejtuesit e grupit, Vito Potenza, 31-vjec deklaroi dje në seance: “Ndodhesha në Greqi sepse do merrja një nga gomonet e Spiros që ta coja në Itali për riparim. Nuk kam lidhje fare me trafikun”.
Kurse skafisti kafisti 57-vjecar Sergio Racanato që iu be seanca të martën, deklaroi: “Kisha shumë para borxh, mu bë presion nga grupi dhe u detyrova të bëja rrugën”.
Ky i fundit rezulton me precedente penale sepse ka qenë i arrestuar në Greqi për trafik klandestinësh në Evia, por kishte marrë leje nga burgu dhe nuk ishte kthyer. Te 11 te arrestuarit jane derguar ne burgun Koridhalo.
