Shefi Ekzekutiv i Bayern Munichut, Karl-Heinz Rummenigge e ka konfirmuar se trajneri Jupp Heynckes do të largohet në fund të sezonit
Ditë më parë ishte krijuar paqartësi rreth të ardhës së Jupp Heynckes, pasi presidenti Uli Hoeness kishte thënë se dëshirojnë që gjermani të vazhdojë edhe pas këtij sezoni.
Por, kjo është mohuar nga Heynckes, i cili dëshiron të largohet pas përfundimit të sezonit, pasi ishte kthyer nga pensionimi vetëm për të zëvendësuar Carlo Ancelottin.
Se ai do të largohet në fund të sezonit e ka konfirmuar edhe Karl-Heinz Rummenigge.
“Jupp dëshiron të largohet në fund të sezonit dhe për ne është në rregull. Ai dje pyeti pse kishte thënë ashtu Hoeness, por tash jemi në rregull”, tha Rummenigge gjatë një takimi me gazetarë.
