Roland Bejko ka marrë votat e shumicës së kryesisë së Partisë Demokratike për të qenë kandidat për kryetar bashkie në Tiranë. Siç mësohet nga burime pranë PD-së, edhe pse Bardhi, Tabaku e Çupi sërish kanë bërë thirje që të mos paraqiten kandidatë, shumica ka zgjedhur që të jetë pedagogu Roland Bejko si kandidati zyrtar që do të përballet në garën e Tiranës.
Të shumta ishin diskutimet në mbledhjen e Kryesisë së Alibeajt, mbledhje e cila zgjati deri pas mesnate, për të vendosur variantin sesi do të shkohet në zgjedhjet e 14 majit.
3 variantet e diskutuara ishin që në zgjedhje të shkohej vetëm me këshillat bashkiak, të kandidohej me këshilla bashkiak dhe në ato bashki ku ka potencial dhe të kandidohej në të gjitha bashkitë e vendit, përfshirë 3 bashkitë e mëdha, Tiranë, Durrës, Elbasan.
Mësohet se pas shume diskutimeve, pas mesnatës, Kryesia ka votuar, për secilin nga tre variantet.
Sa i përket variantit të parë, për të kandiduar vetëm për këshillat bashkiak, Kryesia e Grupit të Alibeajt ka votuar kundër, rreth 15 vota kundër.
Varianti i dytë, ku të kandidohej për këshillat bashkiak dhe në bashki specifike, ku kishte kandidatë fitues, u votua me rreth 15 vota kundër.
Ndërsa varianti i tretë, ku do të kandidohej për Tiranën, Durrësin, Elbasanin dhe bashkitë e tjera, u votua me shumicë nga Kryesia.
Emrat e propozuar në mbledhje si kandidatë të mundshëm për Tiranën ishin:
Tabaku u tërhoq, duke argumentuar se nuk do të përçajë PD-në, duke mos e pranuar propozimin. Të njëjtën gjë bëri edhe Xhemal Gjunkshi, i cili gjithashtu u tërhoq.
Sa i përket kandiatëve të publikuar deri tani nga PD e Alibeajt, ata janë 17.
Vaut i Dejës- Klomentina Drini
Por edhe pse një vendim të Kryesisë për të hyrë në zgjedhje me 61 kandidatë, është vendosur që degët e PD-së në rrethe, të vendosin nëse duan të hyjnë me zgjedhje, apo jo?