Manchester City ka zyrtarizuar blerjen e tyre më të re. Bëhet fjalë për portugezin Joao Cancelo që luan në krahun e djathtë të mbrojtjes.
City ka paguar 26 milionë paundë te Juventusi për Cancelon, plus ka shitur edhe Danilon në skuadrën italiane.
Portugezi ka nënshkruar marrëveshje 6-vjeçare me kampionët e Premier Ligës.
“City është një klub fantastik, me një trajner brilant si Guardiola dhe jam i lumtur që jam këtu”, ka thënë lojtari pasi është pajtuar me kushtet personale dhe ka kompletuar testet mjekësore.
“Gjithçka më impresionon, nga vendi deri te stili i tyre i lojës. Po shikoj përpara për ta zhvilluar lojën time dhe të fitoj trofe. Besoj që mundem ta bëj këtë këtu, kështu që tani po shikojmë përpara për sezonin e ri dhe për testimin tim në Premier Ligë”, ka thënë Cancelo.
