Hysen Dedja është zyrtarisht trajner i Lushnjes. Shkodrani rikthehet në stolin e verdhjeshilëve pas plot 16-vitesh. Ai ka drejtuar Lushnjën në vitet 1998-2001.
Dedja kishte kohë që ishte shkëputur nga roli i trajnerit, por pas një negociate më drejtuesit e klubit verdhjeshil arriti të bindej për të rikthyer në pankinën e myzeqarëve.
“Pas Shkodrës, Lushnja ka qënë për mua një dobësi. Kam shumë nostalgji për brezin e viteve ’98-2001. Një brez i shkëlqyer futbollistësh me të cilët punova në dy periudha të ndryshme. Unë u vendosa këtu në Lushnjë dhe gjithçka në punën time e kam bërë me përkushtim të madh. Erdha me shumë nostalgji për tifozerinë e mrekullishme që ka Lushnja, për këta njerëz futbolldashës që e mbështesin masivisht skuadrën e tyre”, – ka thënë Dedja për “Panorama Sport”.
