Klima e butë e Riverës Franceze. Kazinotë luksoze aty pranë. Një pamje e mrekullueshme mbi portin e famshëm për jahtet e tij.
Ish-pastruesja ruse, Svetlana Krivonogikh, 46 vjeç nga Shën Petersburgu, ka qëlluar në shenjë me pronën e saj luksoze në jug të Francës. Sipas medieve të ndryshme, gruaja ka në pronësi që nga viti 2003 një apartament me vlerë prej 3.5 milionë euro mbi portin e Monakos.
Një fakt eksploziv: Ajo u bë pronare menjëherë pasi lindi vajzën e saj, Luiza Rozova, e cila tani është 18 vjeç dhe e kalon jetën mes Moskës dhe Parisit si influencere dhe DJ.
Dyshimet: Svetlana thuhet se ka qenë dashnorja sekrete e presidentit rus, Vladimir Putin (68 vjeç). Dhe Luiza, e cila ka një ngjashmëri të jashtëzakonshme me të, mban emrin e mesëm Vladimirnovna. Ky është sekreti i ëmbël.
Vajza e re flirton me thashethemet për atësinë e Putinit. Kurse nëna hesht. Por të dyja lënë gjurmë të qarta në Instagram.
46-vjeçarja poston foto vazhdimisht nga Monako. Një prej tyre tregonte disa fishekzjarre mbi port. Nën foto, vajza Luiza shkruan: ‘Fantastike, unë e njoh këtë vend’.
Sipas një investigimi të një konsorciumi gazetarësh investigues, dokumentet e njohura si Pandora Papers tregojnë se ish-pastruesja tani ka një pasuri prej 100 milionë dollarë, të vendosur nëpër streha sekrete.
