Në emision “Java në RTSH”, Preç Zogaj që e drejton këtë emision me Lorenc Vangjelin e vlerësoj ceremoninë e kthimit të eshtrave të Mit’hat Frashërit në atdhe “ të denjë për emrin dhe veprën e tij ”, ndërsa fjalën e kryeministrit Rama “ të emancipuar dhe emancipues”.
“Riatdhesimi i nacionalistëve që u detyruan të mërgonin në Perëndim pas vendosjes së rrëgjimit komunist e bën më të mirë Shqipërinë e sotme”, tha Zogaj
Ai foli për nevojën e një trajtimi të ri të emigrantëve politikë të periudhës së diktaturës, përsa u takon pajisjen së tyre me pasaporta shqiptarë me procedura shumë me të thjeshtuara se procedurat në fuqi.
Ka patur vazhdimisht nisma dhe dëshira të mira në këtë aspekt, por nuk kanë funksionuar , tha ai, duke sjellë për ilustrim shembullin e zonjës Lolita Kupi, gruaja e djalit të Abaz Kupit, që jeton në Shqipëri prej shumë vitesh bashkë me të shoqin, por nuk ka arritur akoma të marrë pasaportën shqiptare dhe shembullin e një emigranti politik mbi të gjashtëdhjetat në Francë, Skender Totës, që ka qenë foshnje kur i ati e pat e marrë me vete në arratinë e tij, por edhe pas njeçrek shekulli hapje demokratike të vendit nuk ka mundur të marrë pasaportën shqiiptare.
“Këto dy shembuj flasin me mirë se asgjë për bishtat e procedurës në fuqi, ndërkohe që procedura mund të ishte shumë më e thjeshtë., me një sportel, mjafton që personi të vërtetoje se ka qenë emigrant apo pinjoll i një familje emigrantësh politikë në Perendim.
Është sadisfaksioni i vetëm që mund tu japë Shqipëria emigrantëve politike të diktaturës”, tha Zogaj duke i kërkuar kryeministrit dhe opozitës ta hedhin këtë hap.
