Shkëndija elektrike ka shkrumbuar një banesë në lagjen “Perash”, përballë Medresesë së Shkodrës, duke shkaktuar dëme të shumta materiale, por fatmirësisht pa të lënduar.
Ndërhyrja e shërbimit zjarrfikes mundësoi fillimisht neutralizimin, e më pas shuarjen e plotë të flakëve ne katin e dyte të pallatit, të cilat vunë në rrezik edhe hyrjet ngjitur.
Verifikimet e para të eksperteve dhe bazuar në dëshmitë e familjareve, kanë treguar se shkak për zjarrin është bërë shkëndija elektrike.
Luhatjet e kësaj të fundit kanë bërë që flakët të nisin nga pajisjet elektro – shtëpiake, e më pas të përhapen në pjesën tjetër të dhomës, duke mos lejuar familjarët të shpëtojnë thuajse asgjë.
Kanë qënë këto të fundit dhe fqinjët që ndonëse tentuan me mjete rrethanore, e patën të pamundur të “sfidonin” flakët që përhapeshin me shpejtësi.
Situata e krijuar solli panik tek familjet e tjera.
Ky nuk është rasti i parë që në Shkodër digjen banesat nga shkëndija elektrike, por deri më sot askush nuk ka marrë qoftë edhe më të voglën përgjegjësi.
/oranews
