Një zjarr ka përfshirë kodrat e Bërdicës në Shkodër.
Paraprakisht dyshohet se zjarri është i qëllimshëm pasi banorët e kanë djegur për të hapur kullota të reja.
Shërbimi zjarrfikës ka shkuar në vendin e ngjarjes për të shuar flakët.
Fillimisht, situata ishte e vështirë për shkak të erës, por më pas, zjarri është vënë nën kontroll po shkohet drejt fikjes.
Në këtë zonë edhe një vit më parë një zjarr i ngjashëm rrezikoi banesat e varrezat, ndërsa këtë vit vatra është më e vogël. Policia ka nisur hetimet për gjetjen e autorëve.
