Zjarri i rënë prej 1 jave në fshatin Patalej të Lezhës vijon të jetë aktiv dhe pasditen e sotme. Ndonëse dje situata ishte problematike dhe zjarri rrezikonte të kalonte në fshatin turistik Katund i Vjetër, ditën e sotme flakët janë nën kontroll dhe nuk paraqesin rrezik. Megjithatë flakët janë përhapur dhe në territorin e bashkisë Mirditë, në fshatin Molung.
Aktualisht situata është nën kontroll, ndërsa në terren ndodhen zjarrfikësit, ushtria dhe shërbimi pyjor. Ditën e sotme pritet të ketë nderhyrje me helikopter nga ajri për shuarjen e flakëve.
