Funeralet për viktimat e zjarrit të tërbuar vdekjeprurës në Greqi kanë filluar me varrimin e një prifti të moshuar që u mbyt në det ndërsa përpiqej të shpëtonte nga flakët pranë resortit.
Qindra vetë morën pjesë në funeralin e papa Spiridon Papapostulous të shtunën në famullinë e tij në Halandri, në veri të Athinës. Papastopoulo bashkë me gruan dhe vajzën kishte hyrë në ujë për t’u mbrojtur nga flakët, por u mbyt.
Zjarri i mori jetën të paktën 86 personve, përfshirë dhjetra fëmijë.
Tre anëtarë të së njëjtën familje u vunë për të pushuar përjetësisht së bashku të dielën, sipas Reuters. “Ne po ju jepim lamtumirën tonë, shumë të dashurit tanë, Grigoris, Evita dhe Andreas… viktima tragjike të familjes Fytrou”, kështu njoftoi kjo familje, e cila i kërkoi medias të mos merrte pjesë në funeral.
