Shtëpia e Bardhë e ka shpallur si gjendje emergjence situatën në të cilën ndodhet Kalifornia, e cila është përfshirë nga zjarre massive, madje kjo gjë shikohet që nga hapsira.
Flakët që po kalojnë mes për mes Kalifornisë së Jugut kanë detyruar pothuajse 200,000 njerëz të largohen nga shtëpitë e tyre, raporton CNN. Janë përhapur aq shumë saqë astronautët në Stacionin Ndërkombëtar të Hapësirës janë në gjendje të shohin shtigjet e tymit më shumë se 250 milje mbi Tokë.
Astronauti i NASA-s Randy Bresnik shihte zjarret gjatë disa orbitave këtë javë, fotot e tij që kapnin re të gjata tymi, që lundronin nga Kalifornia drejt oqeanit Paqësor.
Mijëra zjarrfikës po luftojnë për të fikur zjarrin por situata duket e vështirë. Zjarri më i madh, është cilësuar “zjarri i Thomas”, i cili ka djegur tashmë 132,000 hektarë tokë.Përgatiti AlpeNews.al
