Një aktore e njohur greke është mes personave të zhdukur pas zjarrit shkatërrues në Atika të Athinës.
Bëhet fjalë për aktoren Chrysa Spiliotis, e cila raportohet e humbur. Postimi i saj i fundit në Facebook daton dy ditë më parë, përpara se të shpërthente zjarri i madh dhe ajo ndodhej me bashkëshortin Dimitris Tournavi ndodheshin në Mati, një nga zonat më të prekura nga flakët.
Miq të shumtë i kanë shkruar në postimin e saj të fundit në rrjetet sociale me shpresën se do të marrin përgjigje.
Për këtë arsye ajo është shtuar në listën zyrtare të personave të zhdukur. Spiliotis ka luajtur në disa seriale të njohura greke kryesisht gjatë viteve ’90.
Sakaq, bilanci nga tragjedia në Athinë është 79 të vdekur dhe 168 të plagosur, por ekziston frika se shifrat mund të rriten.
