Në Bularat po zhvillohet ceremonia për Kostandonos Katsifas, ku qindra grekë marrin pjesë për t’i dhënë lamtumirën e fundit 35-vjeçarit. Deri tani nuk janë regjistruar incidente të rënda, por grekët në momentin që kanë nxjerrë arkëmortin nga shtëpia për tek kisha për t’i bërë nderimet e fundit kanë shpërthyer në thirrje antishqiptare.
“Zjarr qenve shqiptar”, “Gjaku na thërret të djegim shqiptarët”, “Duhet të dini se këto janë tokat tona, jemi në Vorio-Epir këtu”, “Greqi, Greqi ti na drejton ne”, kanë qenë disa nga thirrjet më të rënda kundër shqiptarëve.
Por nuk kanë munguar thirrjet edhe ndaj gazetarëve shqiptarë. “Gazetarë të poshtër”, është dëgjuar të thërrasë turma.
Ndërkohë siç shihet dhe nga pamjet e siguruara nga ‘Fax News’ arkëmortit i prinë ektremisti grek i ‘Agimit të Artë’, Babis Karathanos.
