Të paktën 8 persona, 6 fëmijë dhe dy të rritur, mbetën të vdekur nga një zjarr në një apartament në Chicago të SHBA-ve, bënë me dije burime zyrtare.
Dy të tjerë u dërguan në spital. Një zjarrfikës gjithashtu mbeti i lënduar dhe u transportua në spital për ndihmë mjekësore. Raportohet se ndodhet në gjendje të mirë shëndetësore.
Zjarri shpërtheu rreth orës 4 më orën lokale në një ndërtesë banimi 3-katëshe në lagjen “Little Village”, raportoi “Chicago Sun-Times”.
Mbetet ende për tu zbardhur se çfarë e shkaktoi. Apartamenti ku shpërthyen flakët raportohet se nuk kishte detektorë zjarri.
Mosha dhe identitetet e viktimave nuk bëhen ende me dije.
