Përfshihet nga flakët një apartament në katin e parë të një pallati në unazën e qytetit të Korçës. Gazetari Roland Beqiraj raporton se ngjarja ka ndodhur në afërsi të zonës të quajtur “Ura e Fajancës”.
Mësohet se brenda në banesë ka qenë një grua, e sëmurë, dhe është nxjerrë menjëherë jashtë. Policia thotë se 64 vjeçarja është asfiksuar nga tymi dhe është dërguar në spital për ndihmë mjekësore.
Nuk dihen rrethanat e zjarrit, zjarrfikësja ende në vendngjarje për të shuar flakët. Edhe policia me forca të shtuara bëri të mundur largimin e të gjithë njerëzve që ndodheshin brenda pallatit ku ra zjarri.
