Një 70- vjeçare e cila jetonte e vetme në Durrës ka ndërruar jetë pasi në orët e para të mëngjesit një zjarr ka përfshirë banesën e saj.
Zjarri ka rënë rreth orës 05:00 në lagjen Nr.10. E moshuara D.K, jetonte në katin e dytë të pallatit. Policia ndodhet në vendngjarje tashmë për të zbardhur shkaqet e vërteta të zjarrit në banesën e D.K, që i mori dhe jetë kësaj të fundt.
NJOFTIMI NGA POLICIA
Durrës/Informacion paraprak
Më datë 02.06.2020, rreth orës 05:00, në lagjen nr.10,Durrës, ka rënë zjarr në një banesë në katin e dytë të një pallati,e për pasojë ka humbur jetën shtetësja D.K.,70 vjeçe, e cila jetonte e vetme.
Grupi hetimor ndodhet në vendngjarje dhe po punohet për zbardhjen e plotë të shkaqeve të ngjarjes.
(BalkanWeb)
