Një video rrëqethëse e filmuar në Kaliforni shfaq momentin kur një grua e tmerruar nga frika i kërkon të dashurit të braktisin makinën, pasi zjarri që kishte rënë aty pranë po përhapej me shpejtësi.
Ajo dëgjohet duke e lutur të dashurin që të dalin nga vetura, pasi zjarri po afrohej me shpejtësi të madhe në drejtim të tyre.
“Brandon duhet të dalim jashtë dhe të largohemi.
Nuk mund të qëndrojmë këtu.
Është duke u afruar shpejt zjarri, të lutem… zemër duhet të dalim”, dëgjohet të thotë gruaja.
Shumë vetura që ishin në po të njëjtën rrugë, shihen duke u munduar të kthehen që t’i shpëtojnë më të keqes.
