Lëndimi i Toni Kroos, i cili do të jetë dy deri tre javë jashtë fushave të blerta, mund të ketë një ndikim të drejtpërdrejtë tek formacioni bazë i Zinedine Zidane për takimin e dytë të 6 marsit në Parc des Princes.
Edhe pse gjithçka duket se gjermani do të jetë i gatshëm të jetë pjesë e ekipit kundër PSG-së, Zidane ka disa alternativa për të zëvendësuar mesfushorin gjerman.
Mateo Kovacic në mesfushë
Opsioni më i mundshëm, i cili në fakt duket të jetë bast për duelin e së dielës kundër Betisit në Villamarín, do të ishte hyrja e Mateo Kovacicit. Ky opsion do të lejonte që Isco të luante si organizator. Kroati do të vendoset në anën e majtë dhe do të formojë një dyshe në mbrojtje dhe sulm me Marcelon.
Isco dhe BBC
Nëse Zidane vendos të luaj me repartin më sulmues, alternativa është përfshirja e Iscos në mesfushë të përbërë nga tre lojtarë (me Modricin dhe Casemiro) dhe në sulm, rikthehen BBC, e cila u sakrifikua në ndeshjen e së mërkurës kundër PSG-së.
Kjo do të jetë një zgjidhje mjaft e rrezikshme nëse merret parasysh se Madridi duhet të aplikojë një mbrojtje të fortë në Paris kundër sulmeve të parashikueshme të skuadrës së Unai Emeryt.
Asensio, Lucas dhe 4-4-2
Kështu e përfundoi duelin të mërkurën kundër PSG-së, ato minuta finale në të cilat Los Blancos arriti një fitore të rëndësishme kundër francezëve. Me Modricin dhe Casemiron në qendër të mesfushës, Lucas do të jetë i vendosur në të djathtë, Asensio në të majtë dhe përpara do të jenë dy Ronaldo dhe Bale ose Benzema. Mund të jetë zgjidhja më e balancuar dhe siguron më shumë mbrojtje.
